Մեծ մարդու մեծ կյանքի պատմությունը

Իջևանի թիվ 4 դպրոցի 8-րդ դասարանի  Համաշխարհային պատմության ,,Նապոլեոնի դարաշրջանի,, դասը անցավ մեծ հետաքրքրությամբ: Դասի ընթացքում գործածվեց ոչ միայն դասագիրքը որպես տպագիր նյութ, այլև տեղեկատվական տեխնոլոգիաների միջոցով աշակերտները դիտեցին փաստավավերագրական ֆիլմ, որը նվիրված էր 19-րդ դարի մեծ մարդւ` Նապոլեոն Բոնապարտի կյանքի մանրամասներին և նրա պատերազմական արշավանքներին: Հանրագիտարանային նյութը և համացանցում տեղ գտած տեղեկությունները համադրվեցին միմյանց հետ, որի արդյունքում աշակերտները հստակ պատկերացում կազմեցին Նապոլեոն Բոնապարտի կառավարման ժամանակաշրջանի վերաբերող մանրամաների մասին: Ուշագրավ է այն փաստը, որ ամփոփման ընթացքում աշակերտները վայելեցին ,,Նապոլեոն,, խմորեղենը, ցանկանալով ստուգաբանել խմորեղենի անվան բացատրությունը: 

Միտք, կամք, հաղթանակ

Նոյեմբերի 5-ին Իջևանի մշակույթի պալատում տեղի ունեցավ գիտակների մրցույթ, որը կազմակերպել էր ՀՕՄ-ի Իջևանի մասնաճյուղը, ի դեմս ղեկավար Նարինե Ճաղարյանի : Մրցույթին մասնակցում էին Նոյեմբերյանի  ,,Ասպետ,,, Իջևանի 
,,Տավուշ,, և Դիլիջանի ,,Դիլիջան,, թիմերը : Յուրաքանչյուր թիմ ընտրել էր ազգային դրոշի իր սիրած գույնը (Դիլիջան` կարմիր, Նոյեմբերյան` կապույտ, Իջևան`ծիրանագույն):
,,Տավուշ,,  թիմը ներկայացնում էին Իջևանի թիվ 4 հիմնական դպրոցի
աշակերտներ ` Գարիկ Նազարյանը, Նինա Թամամյանը,Արամ Երիցյանը, Լավրենտ Նազարյանը, Աննա Մինասյանը և Արման Մեհրաբյանը: 
Թիմի նշանաբանն էր` ,,ՄԻՏՔ,ԿԱՄՔ, ՀԱՂԹԱՆԱԿ,,:
Թեժ պայքարից հետո գրանցվեցին հետևյալ արդյունքները `
Տավուշ 8 միավոր , Ասպետ 7 միավոր,Դիլիջան 4 միավոր :
Ըստ խաղի կազմակերպիչների այստեղ չկային հաղթող և պարտվող թիմեր, յուրաքանչյուր մասնակից բեմից հեռացավ նվերով , իսկ ,,Տավուշ,,թիմը  քաղաքապետարանի կողմից ստացավ հաղթական գավաթը:

Անցյալը չի լռում

Ցեղասպանության զոհերի հիշատակին նվիրված ցերեկույթի մասնակիցները կարողացան ներկաների մեջ արթնացնել մերթ հերոսական, մերթ հաղթական տրամադրություններ :

Գարնան խորհուրդն ամբողջացրեց հայի ապրում-երազանքը. ,,Թող գարունները գան ու չգնան,,:

 Մեզ բաժին է ընկել դժվարին ճակատագիր և մեր գարունները մենք ենք բերելու:

Եկանք, տեսանք, հաղթեցինք

Այս թևավոր արտահայտությունը 

շատերն են շրջանառում տարբեր առիթներով: 

Իջևանի թիվ 4 դպրոցում այդ օրը այս արտահայտությունը մի փոքր փոխել էր իր իմաստը: Պայքարը 4-րդ և 5-րդ դասարանի աշակերտների միջև գաղափարական էր, մի քիչ էլ մարտական: Այն ուղեկցվում էր սպորտային հետաքրքիր դադարով:

Միջոցառման կազմակերպիչ Ռ. Բեկնազարյանի խոսքերով երեխաների մոտ նաև ձևավորվում է  արագ և ճիշտ կողմնորոշվելու ունակություն:

Պստիկ ենք, բայց ճստիկ ենք

Հումորի օրվա խորհուրդն ամբող- ջական դարձրեց ,,Պստիկ ենք, բայց ճստիկ ենք,, խաղ-վիկտորինան` մասնակցությամբ 2-րդ և 3-րդ դասարանի աշակերտների:

Խաղի նպատակն էր աշխուժացնել երեխաների դպրոցական կյանքը, ապահովել համալիր գիտելիքներով:Այն կազմակերպել էր ուսուցչուհի Ռուզան Բեկնազարյանը: