Շնորհառատ ու արարող

Դուք` աննյութեղեն,

Դուք` շունչ ու հոգի,

Դուք` գեղեցկության երկրպագություն,

Դուք` ազնվացնող` նման աղոթքի…

            Կատարելության ափը հասնելու տենչանքով ուսուցիչն օգնում է թևածել հոգու, սրտի ու մտքի բարձունքներում:

Հայի կենսառաք տեսլականությամբ սովորեցնում է արևել անվերջ հանապազօրյա երթին դժվարին, քերթության վերին խորհուրդն իմանալ և արշալույսվել վերելքի  ճանապարհին:

Հոկտեմբերի 5-ին Իջևանի թիվ 4 հիմն. դպրոցի 5-րդ դասարանցիները անկրկնելի պահեր պարգևեցին` յուրօրինակ խոնարհումով նշանավորելով Ուսուցչի օրը:

Հայ ուսուցիչը կրողն ու փոխանցողն է ոգեղենության, արյան հիշողության, լեզվամտածողության և ազգային գաղափարախոսության: Նա է կարգավորում աշխարհի հողձուկ շնչառությունը, տալիս երազանքի ծաղկափոշի և արարման ամոքիչ կենսահյութ: Նա է շնչավորում հայի կարոտները, գիրն ու տաղը, թաքուն դողը, օգնում մտքի անսանձ մակույկով ճեղքել գիշերը և առավոտի ափերը ելնել` անքուն, հոգնաբեկ, բայց իմաստնացած:

Սիրանյութից շաղախված լինելով` իր սանին հյուսում է երազից, հույսից, խռով արյունից, ըմբոստությունից ու խենթությունից:  Հայացքով խոսուն, դեմքով լուսավոր` նա դառնում է վառ գալիքի աղբյուր`ճախրանքի ցնծագին ուժը պարգևելով իր սաներին:

Հայո’ց ուսուցիչ, երբ քո աչքերում

Պատկերս եմ տեսնում` լույսով շաղախված,

Աստվածանում եմ ինքս իմ աչքին

Ու քեզ եմ գալիս` անվերջ ծարավս ու քաղցս առած…

Շնորհավո’ր տոնդ, և թող օրհնյա~լ լինեն առավոտներդ….

                                                                                                 Գ. Մկրտումյան

Գարունը այնքա~ն ծաղիկ է վառել....

Գարունն այս հյուսվում է շաղից, շողից, ծառերից` ծաղկոտ ու նազանքով լի: Բնությունը թրթռում է սիրահար սրտի պես, անսանձ բույրերը խուժում են մեր սրտերը:
Մարտի 7-ին Իջևանի թիվ 4 հիմնական դպրոցում անցկացված միջոցառումը նվիրված էր գարնան թագուհուն` մորը, որն ամենայն գեղեցիկի կրողն է ու մարմնավորողը:
Գարնանաբույր և մեծ արվեստով կազմակերպված միջոցառման հեղինակը երաժշտության ուսուցչուհի Հերմինե Սարդարյանն էր: Միջոցառմանը ներկա էին դպրոցի տնօրեն Ռ. Խառատյանը, փոխտնօրենները, ուսուցիչներ, ծնողներ:
Ճաշակով բեմադրված հեզաճկուն պարին հաջորդեցին առաջինից չորրորդ դասարանի աշակերտների երգերը, որոնք նման էին երգչախմբային կատարումների: Վերջիններս ընդմիջվում էին մայրերգության անմահ պատառիկներով:
Բեմը ծփում է աշակերտների ալիքումից` ինքնամոռաց ու խանդավառ: Ասես հայրենի դաշտերի բոլոր ծաղիկներն էին կերպավորվել նրանց մեջ, վարարուն խինդով ու խենթ արբեցումով դարձել ծաղկեփունջ: Աշակերտների ափերի մեջ ցոլացող մոմերի լույսը մայրական անափ ծաշտամունքի ու անմնացորդ սիրո կրակն էր:
Միջոցառման բարձրակետը մայրության սուրբ խորհրդանիշ Տիրամոր գովքն էր:
Գարնան, մայրության և գողեցկության տոնի օրը ողջ աշխարհն է պոետ դառնում, բնությունը` դառնում տավիղ: Միջոցառման նպատակը աշակերտի հոգում հավերժական արժեքների հունդեր սերմանելն էր:

Մայրերի ծով հուզմունքով ու հիացմունքով այրվող աչքերը չէ՞ին վկայում արդյոք, որ այն ծառայել է այդ մեծ նպատակին...

Ի սկզբանե էր բանը, և բանն էր ճիգ ու ջանք...

Իջևանի թիվ 4 հիմնական դպրոցում մարտի 5-ին տեղի ունեցավ ,,գիտակների,, մրցույթ, որը մտքի գարնանաբույր զարթոնքի յուրատեսակ տոն էր:
Որքան տքնություն ու ոգու խոյանք է հարկավոր, որպեսզի արգասավոր դառնա սովորողի աշխատանքը:

Դպրոցական բոլոր առարկաներից հարցեր ընդգրկող մրցույթի կազմակերպիչը փոխտնօրեն Ռ. Բեկնազարյանն էր, որը ներգրավել էր 8-րդ և 9-րդ դասարանների լավագույն աշակերտներին: Աշակերտների պատասխանները անաչառորեն գնահատվում էին ուսուցիչներից կազմված հանձնաժողովի կողմից, որի նախագահը դպրոցի տնօրեն տիկին Ռ. Խառատյանն էր:  ,,Ծառը գիտության պահանջում է ջանք ու խոնջենք, որ ճյուղքերը ծռի և մատուցե պտուղներ վայելքի և ոստեր իմաստության,,:

Մրցույթի նպատակն էր խթանել աշակերտների հետաքրքրությունը, նպաստել սովորելու հանդեպ ձգտմանը և ներարկել հավատ առ այն, որ անխախտ ու կայուն գիտելիքն է կերտում ապագան:
2011-2012 ուստարվա ,,գիտակ,, դափնին նվաճեց 8-րդ դասարանի աշակերտ Վահե Ասիրյանը:
Դահլիճի որոտընդոստ ծափողջույնները վկայում էին գիտելիքների ծով պաշտամունքի մասին...

Բարության օրը

Բարություն անողի սիրտը, ինչպես օվկիանոսը, երբեք չի սառչում:

Վերոհիշյալ գաղափարի շուրջ քննարկում էր ծավալել Իջևանի թիվ 4 դպրոցի աշխորհուրդը: Երեխաները ներկայցրին բարության իրենց մոդելը: Նշեցին, որ այն  ջերմությունն է, սրտացավությունը, հոգատարությունն ու ներողամտությունը, օգնելու պատրաստակամությունը։ Բայց նաև շատ կարևոր համարեցին այն հանգամանքը, որ բարությունը այդ ամենը որոշակի արարքներում ցուցաբերելու ունակությունն է:

Բարությունը սերն է, սիրող մարդը /լայն իմաստով`աշխարհը սիրող, մարդկանց սիրող..../ չի կարող չար լինել:

Երիտասարդների օրհնության օրը

Իջևանի թիվ 4 դպրոցում փետրվարի 3-ին տեղի ունեցավ միջոցառում` նվիրված սիրո հովանավոր Արագահաս սուրբ Սարգսին: Տոնը ունի կրկնակի խորհուրդ, քանզի այն նաև երիտասարդների օրհնության օրն է:
Գեղեցիկ և բարձր մակարդակով կազմակերպված միջոցառման հեղինակը ,,Հայոց եկեղեցու պատմություն,, առարկայի ուսուցչուհի Ռ. Բեկնազարյանն էր, որը իններորդցիների միջոցով ներկաներին փոխադրեց սիրո առեղծվածային ու զարմանահրաշ աշխարհը` փորձելով նրանց հաղորդակից դարձնել գեղեցիկ սիրելու արվեստին:

Սերն աստվածային շնորհ է, որն ընծայում է անպարագիծ երջանկություն, հորիզոններ հաղթահարելու ամենազորություն, ընդվզում է աշխարհի, մարդու, ինքն իր դեմ:
Միջոցառման սենյակը կահավորված էր ճաշակով, և ստեղծված էր բանաստեղծական ու մտերմիկ մթնոլորտ:
Մեծերի` խելահեղ սերերի, խելահեղ նամակների տողերը հնչում էին Պագանինիի, Բեթհովենի, Պապետիի, Պաուլսի, Հախվերդյանի և այլոց նրբաճաշակ երաժշտության ներքո: Ներկաները` տնօրեն  Ռ. Խառատյանը, ուսուցիչները, նույնպես ներգրավվեցին միջոցառմանը` պատասխանելով աշակերտների` սիրո թեմայով հարցերին և ստանալով սիրո երազային շնչով ձևավորված, օրվա խորհուրդն ամբողջացնող բացիկներ և աղաբլիթներ:

Այո', նաև սիրո գեղագիտության և բարոյագիտության դասերը վաղվա քաղաքացին պետք է ստանա դպրոցում:

Թվային լուսանկարչության թեմատիկ ցուցահանդես

Այսօր Իջևանի թիվ 4 դպրոցում  մեդիախմբի նախաձեռնությամբ կազմակերպվեց թվային լուսանկարչության ցուցահանդես: Աշակերտական խորհրդի առաջարկով ընտրվեցին ցուցահանդեսի  թեմաները: Դրանք էին ,,Երեխաների իրավունքները,, և ,,Դպրոցական խճանկար,,:  Մեկ ամիս շարունակ դպրոցի 1-9-րդ դասարանների աշակերտները իրենց աշխատանքներն էին ներկայացնում մեդիախմբին: Քննարկումների արդյունքում ընտրված նկարները դարձան այսօրվա ցուցահանդեսի նյութը: Ցուցահանդեսի մուտքն  իրենց ելույթով բացեցին Վահեն և Մայան: Յուրաքանչյուր աշակերտ մեկնաբանեց իր ներկայացրած լուսանկարը: Երեխաները, ուսուցիչներն ու հյուրերը հիացմունքի հաճելի պահեր ապրեցին: Մասնակից աշակերտները ոգևորված էին ձեռք բերած հաջողություններով և հեռացան`  հաջորդ ցուցահանդեսին մասնակցելու ակնկալիքով...

,,Միանանք հանուն հավասար հնարավորությունների,,

,,Մատչելի Տավուշ,, խորագիրն էր կրում այսօր` դեկտեմբերի 13-ին ,,Հույսի կամուրջ,,  ՀԿ-ի կողմից կազմակերպված երթը:  ,,Միանանք հանուն հավասար հնարավորությունների,, նշանաբանով երթին միացավ Իջևանի թիվ 4 դպրոցի աշակերտական խորհուրդը: Երթի նպատակն էր հասարակության ուշադրության կենտրոնում պահել հաշմանդամություն  կամ հատուկ կարիքներ ունեցող երեխաների խնդիրները և  սոցիալական ինտեգրման անհրաժեշտությունը: Երթը ավարտվեց Տավուշի մարզպետարնի դահլիճում` հանդիսավոր միջոցառումով: Ներկայացվեց ,,Հույսի կամուրջ,, ՀԿ-ի 15 տարների կատարած աշխատանքը: Իրենց բարձր գնահատականը, շնորհակալությունը, սերն ու ջերմությանն արտահայտեցին մարզային իշխանությունները, ծնողներն ու երեխաները: Տավուշի մարզպետարանի որոշմամբ ,,Հույսի կամուրջ,, ՀԿ-ի տնօրեն Սուսաննա Թադևոսյանին շնորհվեց Տավուշի մարզի պատվավոր քաղաքացու կոչում:  

Ջուր պարգևիր, կյանք նվիրիր

ÜáÛ»Ùµ»ñÇ 23-ÇÝ ³ßËáñÑñ¹Ç ݳ˳ӻéÝáõÝÃÛ³Ùµ ÃÇí 4 ¹åñáóÁ Ù³ëݳÏó»ó «Հայաստան» համահայկական հիմնադրամի ,,Ջուր պարգևիր, կյանք նվիրիր,, հեռուստամարաթոնին: ²ßËáñÑñ¹Ç ³Ý¹³ÙÝ»ñÁ ѳÛï³ñ³ñáõÃÛáõÝÝ»ñáí ѳݹ»ë »Ï³Ý µáÉáñ ¹³ë³ñ³Ý»ñáõÙ` Çñ³½»Ï»Éáí ÑÇÙݳ¹ñ³ÙÇ Ýå³ï³ÏÇ ¨ ϳï³ñ³Í ³ß˳ï³ÝùÝ»ñÇ Ù³ëÇÝ: ²ß³Ï»ñïÝ»ñÇ ³ÏïÇíáõÃÛáõÝÝ áõ á·¨áñáõÃÛáõÝÁ íϳÛáõÙ ¿ñ Ýñ³Ýó ѳÛñ»Ý³ëÇñ³Ï³Ý µáõéÝ ¹ñë¨áñáõÙÝ»ñÇ Ù³ëÇÝ: гí³ùí³Í ·áõÙ³ñÝ áõÕ³ñÏ»Éáí ÑÇÙݳ¹ñ³ÙÇÝ` ¹åñáóÁ Ý»ñ¹ñ»ó Çñ ÷áùñÇÏ ÉáõÙ³Ý:

  5-րդ դասարանի մայրենիի բաց դասի նպատակը պապ-թոռ հարաբերությունների արժևորումն էր:

  Դասի ընթացքում ներկայացնելով իրենց գրած բանաստեղծությունները աշակերտները խոստացան հարգել, մեծարել տատիկ-պապիկներին, դառնալ նրանց վատ լսող ականջը, թույլ տեսնող աչքը, դողդողացող ձեռքն ու ոտը...

Առաջ արդար հաղթանակի

2011 թ. հոկ-

տեմբերի 7-ին Իջևանի թիվ 4 հիմնական դպրոցում անց-

կացվեց սպորտ-

լանդիա 7-րդ դա-

սարանի ,,Փյունիկ,, և 6-րդ դասարանի ,,Ալիշտու,, թիմերի միջև: 

Միջոցառմանը մասնակցում էին ուսուցիչներ, աշակերտներ, ծնողներ: Կազմակերպողի` ֆիզկուլտուրայի ուսուցիչ Գ. Մինասյանի բացման խոսքին հաջորդեց թիմերի ավագների ողջույնի խոսքը: Փոքրիկ հուշանվերների փոխանակումից հետո խաղն սկսվեց, որն ընդգրկում էր բազմաբնույթ վարժություններ` վազք միչև արգելքը, շրջանցում և վերադարձ, վազք ցատկապարանով, օղակով, գնդակով, դրոշներով փուչիկներին հրում, փռված պարկի միջով անցում, գլուխկոնծի, բազկամարտ և պարանի ձգում: 

Մրցույթը գնահատվում էր ուսուցիչներից կազմված հանձնաժողովի կողմից: Այն ավարտվեց 40:43 հաշվով` հոգուտ ,,Ալիշտուի,,: