Շնորհավոր տոնդ Հայաստան

Սեպտեմբերի 21-ի անկախության հանրաքվեն մեր պատմության մեջ մնալու է որպես կարևորագույն իրադարձություն, որպես աստեղային ժամ:

Երջանիկ եմ քո գրկում, 

Հայոց հրաշք, դու ոստա'ն,

Մնա այդպես հավերժ կանգուն,

Անկախացած Հայաստան:

Աշխորհրդի նիստ

Սեպտեմբերի 14-ին տեղի Իջևանի թիվ 4 ունեցավ դպրոցի 2011-12 ուս. տարվա աշխորհրդի անդրանիկ նիստը: Նպատակը` ամփոփել ,,Իմ մասին,, ծրագրի շրջանակներում աշխորհրդի կատարած աշխատանքները: Նիստի ընթացքում տեղի ունեցավ հանդիպում Եվրամիության մոնիթորինգի ծրագրի մոնիթոր Նատալիա Պիլիպիվի և  ,,Առաքելություն Արևելք,, ծրագրի մենեջեր Աննա Ավետիսյանի հետ:

Հարատև ճանաչողություն...

Դեպի գիտելիքի աշխարհ մուտքն ազդարարող
 այս օրը հույսով ու լավատեսությամբ վերստին
բացեց իր դռները Իջևանի N4 դպրոցը: Հրաշագեղ աղջնակներով ու մանչուկներով շրջապատված եռագույնը զարմանք ու ուրախություն պատճառեց բոլորին: Խինդով ու բերկրանքով էին համեմված շնորհավորանքներն ուղղված առաջին դասարանցիներին, դպրոցին, ուսուցիչներին, անկախության 20-ամյակին:

Տոնական այս խանդավառությունը նրանց ուղեկից կլինի կրթության բոլոր աստիճաններում:

Ծաղկաձորյան երիտասարդական ֆորում

Հուլիսի 11-17-ը Ծաղկաձորում կայացավ  երիտասարդական ֆորում, որն իրականացրեցին «Հույսի կամուրջ» և «Առաքելություն Արևելք» կազմակերպությունները Եվրամիության և Օքսֆամ Մեծ Բրիտանիայի ֆինանսավորմամբ: Ֆորումին մասնակցեց 84 երեխա Երևանից և Տավուշի մարզի չորս քաղաքներից, որոնց մեծ մասը  դպրոցների աշակերտական խորհուրդների ներկայացուցիչներ էին: 

Իջևանի թիվ 4 դպրոցից   ,, Իմ մասին,, ծրագրի շրջանակներում ֆորումին մասնակցեցին աշխորհրդի անդամներ 8-րդ դասարանցիներ Արման Մեհրաբյանը և Իննա Մկրտումյանը: Ֆորումի օրերը բաժանված էին ըստ թեմաների`թիմային աշխատանքի, իրավունքների, առաջնորդության, գենդերի, մեդիա և շնորհքի օրերի:Ծաղկաձորում ընթացող երիտասարդական հավաքի մասնակիցները քննարկեցին երեխայի իրավունքները:  Հավաքի երկրորդ օրն առաջնորդության օրն էր: Երրորդ օրը մեզ հյուրընկալվեց Երիտասարդ առաջնորդների դպրոցը:Դրան հաջորդեց երկար սպասված հանդիպումը ԱԺ պատգամավոր Անահիտ Բախշյանի հետ: Տիկին Բախշյանը երիտասարդների հետ զրուցեց աշակերտական խորհուրդների և դրանց նշանակության մասին:Գենդերային հավասարությանը նվիրված էր չորրորդ օրը, որի ընթավքում երեխաները նախ մուլտֆիլմ դիտեցին, ապա խմբերի բաժանվելով քննարկեցին կնոջ և տղամարդու դերը ընտանիքում, հասարակական, մշակութային և այլ ոլորտներում: Հինգերորրդ օրը հավաքի մասնակիցները հանդիպեցին ՄԱԿ-ի մանկական հիմնադրամի ներկայացուցիչ Էմիլ Սահակյանի հետ. ով խոսեց մեդիայում երեխաներին ներգրավելու մասին և ներկայացրեց երեխաների և երիտասարդների կողմից պատրաստած մեկ րոպեանոց ֆիլմեր, որտեղ հեղինակները բարձրաձայնում էին իրենց մտահոգող խնդիրների մասին:Վերջին օրն ամբողջությամբ նվիրված էր տաղանդների բացահայտմանը ցուցադրական համարների պատրաստմանը:

Ինչ է լուրը և ինչպես գրել այն

Իջևանի N4 դպրոցի աշխորհրդի անդամ աշակերտները  հանդիպեցին  լրագրող Գալուստ Նանյանի հետ: 

Նա  անցկացրեց վարպետության դաս, որի թեման էր ,,Ինչ է լուրը և ինչպես գրել այն,,: Այն կազմակերպված էր ,,Իմ մասին,, ծրագրի շրջանակներում: Շնորհակալություն կազմակերպիչներին:

Երեխաների պաշտպանության օրը

Երեխաների իրավունքների պաշտպանության օրը Իջեւանի համար  4-րդ  դպրոցի բակում հավաքել էր օրվա հերոսներին:

Միջոցառման հրավիրվածները մեծ հաճույք ստացան, երբ մեզ ծանոթ հեքիաթների հերոս- երեխաները պարեցին ծափ տալով եւ երգեցին խաղաղություն:

Օրվա ավարտին ժպտադեմ մանուկները գույնզգույն կավիճներով դպրոցի բակում հեղինակեցին “Իմ երազած քաղաքը” կավճեկտավը:

Նշենք, որ միջոցառումը կազմակերպել էր “Հույսի Կամուրջ” հասարակական կազմակերպության Իջեւանի մասնաճյուղի գրասենյակը, որի աշխատակիցները փոքրիկ հուշանվերներով այդ օրը դատարկաձեռն չէին այցելել երեխաններին:

Հանդիպում Սամվել Սևադայի հետ

Այս տարվա հունիսի 1-ը մեզ համար անկրկնելի էր: Իջևանի պատկե-
րասրահում  իր  110 լուսա-

նկարչական գործերն էր ներկայցնում Սամվել Սևադան:  Մեր դպրոցից ֆոտոարվեստը սիրող մի խումբ  աշակերտներ  և ուսուցիչներ այցելեցինք պատկերասրահ: Վայելեցինք նկարներից տարածվող տրամադրությունը:

Լսեցինք Սամվել Սևադայի խորիմաստ և  ուսուցանող խոսքը լուսանկարչության վերաբերյալ նաև նկարների մասնագիտական մեկնաբանումը: