5-րդ դասարանի մայրենիի բաց դասի նպատակը պապ-թոռ հարաբերությունների արժևորումն էր:

  Դասի ընթացքում ներկայացնելով իրենց գրած բանաստեղծությունները աշակերտները խոստացան հարգել, մեծարել տատիկ-պապիկներին, դառնալ նրանց վատ լսող ականջը, թույլ տեսնող աչքը, դողդողացող ձեռքն ու ոտը...

Մտքեր, հույզեր, վարք

  Անձի զարգացման համար անհրաժեշտ պայման է գիտակցել և հասկանալ սեփական մտքերն ու հույզերը: Դրանք մեր վերաբերմունքն են ինչպես մեր, այնպես էլ միջավայրի հանդեպ, որոնք ի հայտ են գալիս այն ժամանակ, երբ բավարարվում կամ չեն բավարարվում մեր կարիքները:
  Այս շաբաթ 5-րդ դասարանի դասղեկի ժամն անսովոր էր: Բաց դասղեկի ժամի նպատակն էր հասկանալ և ղեկավարել մեր մտքերն ու հույզերը, որոնցից էլ բխում է մեր վարքագիծը:
  Մեր կյանքն այնպիսինն է, ինչպիսին մեր մտքերն ու ապրումներն են: Ուստի տանք դրանց ճիշտ ուղղություն:

Ծնողական համալսարան

Որքան կիրթ ու իմաստուն է ծնողը, այնքան ամուր է մեր կրթության հիմքը և հուսալի է մեր երկրի ապագան: Հերթական անգամ կրթօջախն իր հյուրընկալ գիրկն էր բացել ծնողների առաջ` դասալսումների և ծնողական համալսարանի պարապմունքների: Իսկ նպատակը հաստատուն է` նպաստել մեր աշակերտների հայեցի դաստիարակությանը, հղկել նրանց հոգին ծնողների հետ անկեղծ ու բովանդակային բազմաբնույթ աշխատանքով, ներգրավել ծնողական համայնքին այսօրվա դպրոցի աշխատանքներում:

Առաջ արդար հաղթանակի

2011 թ. հոկ-

տեմբերի 7-ին Իջևանի թիվ 4 հիմնական դպրոցում անց-

կացվեց սպորտ-

լանդիա 7-րդ դա-

սարանի ,,Փյունիկ,, և 6-րդ դասարանի ,,Ալիշտու,, թիմերի միջև: 

Միջոցառմանը մասնակցում էին ուսուցիչներ, աշակերտներ, ծնողներ: Կազմակերպողի` ֆիզկուլտուրայի ուսուցիչ Գ. Մինասյանի բացման խոսքին հաջորդեց թիմերի ավագների ողջույնի խոսքը: Փոքրիկ հուշանվերների փոխանակումից հետո խաղն սկսվեց, որն ընդգրկում էր բազմաբնույթ վարժություններ` վազք միչև արգելքը, շրջանցում և վերադարձ, վազք ցատկապարանով, օղակով, գնդակով, դրոշներով փուչիկներին հրում, փռված պարկի միջով անցում, գլուխկոնծի, բազկամարտ և պարանի ձգում: 

Մրցույթը գնահատվում էր ուսուցիչներից կազմված հանձնաժողովի կողմից: Այն ավարտվեց 40:43 հաշվով` հոգուտ ,,Ալիշտուի,,: 

Շնորհավոր տոնդ Հայաստան

Սեպտեմբերի 21-ի անկախության հանրաքվեն մեր պատմության մեջ մնալու է որպես կարևորագույն իրադարձություն, որպես աստեղային ժամ:

Երջանիկ եմ քո գրկում, 

Հայոց հրաշք, դու ոստա'ն,

Մնա այդպես հավերժ կանգուն,

Անկախացած Հայաստան:

Աշխորհրդի նիստ

Սեպտեմբերի 14-ին տեղի Իջևանի թիվ 4 ունեցավ դպրոցի 2011-12 ուս. տարվա աշխորհրդի անդրանիկ նիստը: Նպատակը` ամփոփել ,,Իմ մասին,, ծրագրի շրջանակներում աշխորհրդի կատարած աշխատանքները: Նիստի ընթացքում տեղի ունեցավ հանդիպում Եվրամիության մոնիթորինգի ծրագրի մոնիթոր Նատալիա Պիլիպիվի և  ,,Առաքելություն Արևելք,, ծրագրի մենեջեր Աննա Ավետիսյանի հետ:

Հարատև ճանաչողություն...

Դեպի գիտելիքի աշխարհ մուտքն ազդարարող
 այս օրը հույսով ու լավատեսությամբ վերստին
բացեց իր դռները Իջևանի N4 դպրոցը: Հրաշագեղ աղջնակներով ու մանչուկներով շրջապատված եռագույնը զարմանք ու ուրախություն պատճառեց բոլորին: Խինդով ու բերկրանքով էին համեմված շնորհավորանքներն ուղղված առաջին դասարանցիներին, դպրոցին, ուսուցիչներին, անկախության 20-ամյակին:

Տոնական այս խանդավառությունը նրանց ուղեկից կլինի կրթության բոլոր աստիճաններում: