,,ՀԵՑ,, ընկերությունը և ,,Մուլտիշոկ,, մանկական ամսագիրը համատեղ հրատարակել են ,,Էլեկտրաշոկ,,-ը, որն ուղեցույց է երեխաների համար էլեկտրական հոսաքի և անվտանգության կանոններ մասին:
Իջևանի թիվ 4 հիմն. դպրոցի երկրորդ դասարանում մարտի 16-ին անցկացված դասղեկի ժամը նվիրված էր այս թեմային: Փորձառու և ստեղծագործող դասվար Կարմեն Ղալթախչյանը, հետևելով ժամանակակից մեթոդիկայի այն սկզբունքին, որ սովորեցնելու լավագույն կերպը աշակերտին ներգրավելն է, դասղեկի ժամը վերածեց հրաշալի ներկայացման, որտեղ հանդիսատեսը ծնողներն էին, դպրոցի տնօրեն Ռ. Խառատյանը, փոխտնօրենները, ուսուցիչները, իսկ դերակատարները` երկրորդ դասարանցիները:
Աշակերտներից մեկը փոքրիկ լուսատուն էր` էլեկտրական շիկացման լամպը, մյուսը` նրա կինը` ցերեկային լույսի լամպը, հաջորդները`թղթե թիթռնիկներով փորձ կատարողը, ստուգիչ գործիքը` ինդիկատորը, ընկերության` մալուխները նորոգող աշխատակիցները, դեղարկղիկը, էլեկտրահարվածին առաջին օգնություն ցուցաբերող բժշկուհին, մարտկոցներով տիկնիկներն ու մեքենաները ներկայացնողները:
Դասվարի հետ համագործակցող ֆիզիկայի ուսուցչուհին համակարգչային շնորհանդեսով հարստացրեց դասը:
Աշակերտները իմացան էլեկտրական հոսանքի չարաճճիությունների մասին և սովորեցին` ինչպես զգուշանալ էլեկտրական հոսանքից և խայել այն` դրանով խնայելով բնությունը:
Հիացական ծափողջույնների ներքո սիրելի դասվարը բոլորին նվիրեց ,,Մուլտիշոկ,, ամսագիրը` վստահ, որ դասի խորհուրդը կուղեկցի փոքրիկներին ողջ կյանքի ընթացքում: 
No comments:
Post a Comment